«Я думаю, што абодва бакі хочуць, каб гэта было вырашана», — сказаў ён, дадаўшы: «Мне, шчыра кажучы, складаней мець справу з Украінай, і ў іх няма картаў».
«З пункту гледжаньня канчатковага ўрэгуляваньня, магчыма, будзе прасьцей мець справу з Расеяй, што дзіўна», — сказаў Трамп. Ён паўтарыў, што Расея апошнім часам моцна б’е па Ўкраіне, але сказаў, што разумее, чаму: «Насамрэч, я думаю, што ён (Пуцін — РС) робіць тое, што зрабіў бы любы іншы. Я думаю, што ён хоча, каб гэта спынілася і было вырашана. І я думаю, што ён бʼе па іх мацней, чым біў раней, і я думаю, што любы ў такім становішчы зрабіў бы гэта цяпер. Ён хоча пакласьці гэтаму канец».
Напярэдадні Пуцін заявіў, што Расея ня мае намеру «нікому саступаць» або ісьці на нейкія кампрамісы ў будучых мірных перамовах.
Трамп у сёньняшняй размове з журналістамі адзначыў, што ў яго «заўсёды былі добрыя адносіны з Пуціным». «І вы ведаеце, ён хоча скончыць вайну. Я думаю, што ён будзе больш шчодрым, чым павінен быць, і гэта вельмі добра», — сказаў прэзыдэнт ЗША.
Трамп таксама патлумачыў сваё рашэньне прыпыніць вайсковую дапамогу Кіеву і абмежаваць абмен выведнымі дадзенымі з Украінай: «Я павінен ведаць, што яны хочуць заключыць зьдзелку. Калі яны ня хочуць дамаўляцца, мы сыходзім».
Трамп таксама заявіў, што перш чым абмяркоўваць гарантыі бясьпекі Ўкраіны, ён хоча «ўрэгуляваць вайну».
Форум