Гэта азначае, што дэклярацыя ня ўвойдзе ў афіцыйныя высновы саміту ЭЗ, але будзе зьмяшчацца ў дадатках да гэтых высноваў, «цьвёрда падтрыманых 26 дзяржавамі-сябрамі».
У дэклярацыі зьмяшчаецца падтрымка патэнцыйнага разьмяшчэньня міратворцаў ва Ўкраіне ў межах мэханізму «Супольнай палітыкі бясьпекі і абароны» (CSDP), дзякуючы якому Эўразьвяз удзельнічае ў міратворчых апэрацыях.
«У сьвятле перамоваў адносна ўсёабдымнага, справядлівага і працяглага міру, ЭЗ і дзяржавы-сябры гатовыя далей спрыяць гарантыям бясьпекі на аснове іх адпаведных кампэтэнцый і магчымасьцяў, згодна зь міжнародным правам, у прыватнасьці шляхам вывучаньня магчымага выкарыстаньня інструмэнтаў агульнай палітыкі бясьпекі і абароны (CSDP)», — гаворыцца ў дакумэнце.
26 з 27 сяброў Эўрапейскай рады пацьвердзілі сваю пастаянную і непахісную падтрымку незалежнасьці, сувэрэнітэту і тэрытарыяльнай цэласнасьці Ўкраіны ў яе міжнародна прызнаных межах.
Улічваючы «новы імпульс для перамоваў», якія павінны прывесьці да ўсёабдымнага, справядлівага і трывалага міру, 26 з 27 чальцоў ЭЗ падкрэсьлілі важнасьць спыненьня агню, якое можа адбыцца толькі «як частка працэсу, які вядзе да ўсёабдымнага мірнага пагадненьня, міру, які павінен грунтавацца на павазе да незалежнасьці, сувэрэнітэту і тэрытарыяльнай цэласнасьці Ўкраіны».
Украіна гатовая мірна рабіць неабходныя крокі і прапаноўваць, якімі яны павінны быць, заявіў прэзыдэнт Уладзімір Зяленскі на пасяджэньні Эўрапейскай рады 6 сакавіка.
Ён папрасіў партнэраў падтрымаць Украіну і тых эўрапейскіх лідараў, якія дапамагаюць пракладваць шлях да міру.
«Цяпер мы бачым некалькі крокаў. Усе павінны зрабіць так, каб Расея, як адзіная крыніца гэтай вайны, прызнала неабходнасьць яе спыненьня. Гэта можа быць пацьверджана двума відамі цішыні, якія лёгка ўсталяваць і кантраляваць, а менавіта: адсутнасьць нападаў на энэргетычную і іншую грамадзянскую інфраструктуру, гэта значыць спыненьне агню па выкарыстаньні ракет, бомбаў і бесьпілётнікаў далёкага дзеяньня, і другое — спыненьне агню на вадзе, гэта значыць спыненьне ваенных дзеяньняў у Чорным моры», — сказаў Зяленскі.
Зяленскі падзякаваў Эўропе за рашучасьць дапамагчы Ўкраіне ў абароне, але папярэдзіў, што Расея «не зьмяншае інвэстыцыі ў сьмерць, нарошчвае сваю армію і ўвесь час спрабуе абысьці санкцыі».
Форум