У паведамленьні Міністэрства надзвычайных сытуацыяў гаворыцца, што ў Гомельскай вобласьці пройдзе «штомесячная тэхнічная праверка электрасырэннага абсталяваньня».
«Захоўвайце спакой, ніякіх дзеяньняў не патрабуецца», — заклікалі ў МНС.
Яшчэ ў траўні 2023 году стала вядома, што Гомельскае абласное ўпраўленьне МНС закупляе паслугі ў мадэрнізацыі аўтаматызаванай сыстэмы цэнтралізаванага апавяшчэньня насельніцтва прымежных раёнаў Гомельскай вобласьці. Наладзіць запуск сырэн павінны былі ў 8 раёнах Гомельскай вобласьці каля мяжы з Украінай. Сырэны ў 52 населеных пунктах плянавалі разьмясьціць на будынках сельсаветаў, дзіцячых садоў, школ і праўленьняў калгасаў.
У выпадку рэальнай небясьпекі пры спрацоўваньні сырэны неабходна ўключыць тэлевізар, радыё ці зайсьці на інфармацыйныя сайты, дзе можна атрымаць усю інфармацыю пра надзвычайную сытуацыю і інструкцыі для дзеяньняў.
Форум