Жанчына жыве ў Беларусі ўжо больш за 10 гадоў, паведамляе «Флагшток». Яна вядомая сваім удзелам у спартовых мерапрыемствах, у тым ліку ў рэспубліканскім лёгкаатлетычным забегу і гомельскім паўмаратоне.
Прычынай магчымай дэпартацыі стала абвінавачаньне ў распаўсюдзе інфармацыі з рэсурсаў, прызнаных «экстрэмісцкімі». Нібыта ў 2020 годзе яна «ўважліва сачыла» за такімі рэсурсамі і рабіла рэпосты. 27 лістапада Прыйму судзілі ў гэтай справе, але рашэньне суду пакуль не вядомае. На наступны дзень яна заставалася на волі і працягвала весьці свае сацыяльныя сеткі.
У той жа дзень суд праходзіў і ў яе мужа, Васіля Прыймы. Паводле неафіцыйнага каналу РАУС, іх адносіны пачаліся як «курортны раман зь беларускім бізнэсоўцам», які пазьней перарос у шлюб. У пары двое дзяцей.
Беларускае заканадаўства дазваляе прымяняць дэпартацыю за адміністрацыйныя правапарушэньні або «ў інтарэсах нацыянальнай бясьпекі». Рашэньне прымаюць органы ўнутраных спраў, што ў гэтым выпадку можа прывесьці да падзелу сям'і.
Раней пра Цыру Прыйму неаднаразова пісалі ў мясцовай прэсе дзякуючы яе актыўнаму ўдзелу ў спартовым жыцьці рэгіёну.
Форум