Крэдыторская запазычанасьць (запазычанасьці прадпрыемстваў) дасягнула 91,9 млрд рублёў і за год вырасла на 16,8% (было 78,7 млрд рублёў), у тым ліку пратэрмінаваная — 9,9 млрд, яна вырасла на 1% (было 9,8 млрд рублёў).
Дэбіторская запазычанасьць (запазычанасьці прадпрыемствам) на 1 верасьня 2024 году склала 76,3 млрд рублёў і вырасла за год на 13,7% (было 67,1 млрд), у тым ліку пратэрмінаваная — 9,4 млрд рублёў, за год зьменшылася на 5,1% (было 9,9 млрд).
Рэнтабэльнасьць продажаў на 1 верасьня склала 6,5%, за год яна зьнізілася на 0,9% (было 7,4%).
Паводле зьвестак Нацбанку, запазычанасьць па рублёвых і валютных крэдытах, выдадзеных банкамі юрыдычным асобам, на 1 кастрычніка 2024 году склала 54 млрд 450,8 млн рублёў. Праведзены «Позіркам» аналіз паказаў, што актуальная сума запазычанасьці на 3,9% большая, чым было на 1 студзеня 2024 году (52 млрд 394,8 млн рублёў), і на 8,2% перавышае запазычанасьць, зафіксаваную 1 верасьня 2023 году (50 млрд 344,6 млн).
Пратэрмінаваная запазычанасьць на 1 кастрычніка склала 216,8 млн рублёў (–33,1% у гадавым вымярэньні; –1,7% з пачатку гэтага году).
- У сакавіку 2023 году на пасяджэньні Савету міністраў Аляксандар Лукашэнка заявіў пра неабходнасьць зьніжаць долю стратных прадпрыемстваў у дзяржаўным сэктары: «Рэнтабэльнасьць і рост прыбытку мусяць стаць галоўнымі крытэрамі для ацэнкі эфэктыўнасьці працы кіраўніка любога ўзроўню», — заявіў ён.
- У кастрычніку 2023 году на нарадзе па продажах айчыннай прадукцыі Лукашэнка адзначыў, што для беларускай эканомікі «пытаньне пытаньняў» — дэбіторская запазычанасьць, а ў красавіку 2024 году канстатаваў, што ягоныя патрабаваньні па скарачэньні зьнешняй пратэрмінаванай дэбіторскай запазычанасьці ня выкананыя — за 2023 год яна вырасла больш як на 10%.
- 22 ліпеня Лукашэнка папярэдзіў дырэктараў прадпрыемстваў пра наступствы іх няздольнасьці вярнуць даўгі за сваю прадукцыю. «Гэта турма. Таму што пры такім раскладзе вы просіце яшчэ і танныя крэдыты пад „абаротку“ і рэструктурызацыю даўгоў. Гэта значыць, зноў спадзеяцеся, што дзяржава з уласнай кішэні вам нешта дасьць», — сказаў ён.
Форум