Адпаведны зварот адрасаваны ўладам Грузіі і тычыцца таксама армянскага журналіста Арсэна Харацьяна, які апынуўся ў падобнай сытуацыі.
Асабліва адзначаецца, што Мялешку і яго дачку, зь якой ён падарожнічаў, адправілі назад у Польшчу, пакінуўшы ў Грузіі жонку і яшчэ адно дзіця.
Сытуацыю зь Мялешкам і Харацьянам аўтары клясыфікавалі як пагрозу другога ўзроўню (першы — гэта калі работнікам СМІ пагражае фізычная небясьпека).
Плятформа таксама чакае, што грузінскія ўлады спыняць практыку забароны на ўезд у краіну журналістаў і работнікаў СМІ і накіруюць адказ на зварот не пазьней за 18 сьнежня.
- 16 верасьня стала вядома, што беларускага журналіста і актывіста Андрэя Мялешку, які пражывае ў Батумі з 2021 году, не ўпусьцілі ў Грузію ў аэрапорце Кутаісі, куды ён прыбыў разам зь непаўналетняй дачкой з Варшавы позьнім вечарам 15 верасьня.
- У ноч на 17 верасьня іх адправілі назад у Варшаву. Жонцы Андрэя Мялешкі, якая прыбыла ў аэрапорт Кутаісі, дачку не аддалі.
- Армянскаму журналісту адмовілі ва ўезьдзе ў Грузію 16 верасьня ў аэрапорце Тбілісі.
- Плятформа па абароне журналістыкі і бясьпекі журналістаў — гэта мэханізм, які «садзейнічае дыялёгу паміж урадамі і арганізацыямі журналістаў з мэтай спыненьня парушэньняў свабоды прэсы ў дзяржавах — сябрах Рады Эўропы і прадастаўленьня журналістам магчымасьці ажыцьцяўляць сваю прафэсію бяз рызыкі паставіць пад пагрозу сваю бясьпеку».
- Мэта праекту — паляпшэньне абароны журналістаў, больш эфэктыўнае процідзеяньне пагрозам і гвалту ў адносінах да работнікаў СМІ, а таксама ўмацаваньне мэханізмаў ранняга папярэджаньня і патэнцыялу рэагаваньня ў рамках Рады Эўропы.
Форум