Дзьве асноўныя кааліцыйныя партыі Ірляндыі, паводле папярэдніх зьвестак, у суботу перамаглі «Шын Фэйн» на выбарах у мясцовыя рады. Гэта стала нечаканым і патэнцыйна разбуральным ударам па надзеі левай партыі на перамогу на нацыянальных выбарах, піша Reuters.
«Шын Фэйн», былое палітычнае крыло Ірляндзкай рэспубліканскай арміі, апошнія тры гады імкліва траціў лідэрства ў апытаньнях грамадзкай думкі. Усё больш выбаршчыкаў разглядалі як галоўную праблему дзяржавы іміграцыю, а не даступнае жыльлё, пытаньне, у якім «Шын Фэйн» дамінаваў.
Галасаваньне прайшло ў пятніцу, калі больш за 2100 кандыдатаў змагаліся за 949 месцаў у 31 мясцовых радах.
Вынікі пачалі падводзіць у суботу. Пасьля падліку амаль чвэрці галасоў прэм’ер-міністар Сайман Гарыс і яго галоўны партнэр па кааліцыі Фіяна Фэйл атрымалі па 24% галасоў, а «Шын Фэйн» — 11%.
«Мы не заваявалі тых месцаў, на якія разьлічвалі… Што нам трэба зрабіць, гэта перагрупавацца і прыслухацца да таго, што кажуць выбаршчыкі», — заявіў высокапастаўлены заканадаўца «Шын Фейн» Дэвід Кулінан у інтэрвію радыё Newstalk.
Падлік галасоў працягнецца ў нядзелю, разам зь першымі вынікамі выбараў у Эўрапарлямэнт.
Форум