«Выдадзены 34 распараджэньні аб выезьдзе», — заявіў Казлоўскіс.
Паводле яго, расейцы ня выканалі патрабаваньні паправак да закону «Аб іміграцыі» і не падалі дакумэнтаў для атрыманьня дазволу на жыхарства ў Латвіі.
Раней Управа ў справах грамадзянства і міграцыі Латвіі перадала ў памежную службу дадзеныя аб прыкладна 800 расейцах, якія ня маюць права знаходзіцца ў краіне. Як расказаў Казлоўкіс, як мінімум 600 чалавек пакінулі Латвію, галоўным чынам праз Эстонію. Яшчэ больш за 100 чалавек не знаходзяцца ў сябе дома, аднак пакуль што няма інфармацыі аб тым, ці пакінулі яны краіну.
У Латвіі жывуць звыш 25 тысяч грамадзян Расеі з асаблівым статусам. Перш чым атрымаць расейскі пашпарт, яны былі латвійскімі грамадзянамі ці (у пераважнай большасьці) так званымі неграмадзянамі.
У канцы верасьня 2022 году латвійскі парлямэнт — Сэйм — заканадаўча ануляваў пастаянныя дазволы на жыхарства для такіх людзей з 2 верасьня 2023 году. Каб захаваць права жыць у Латвіі, яны павінны аформіць дазвол на жыхарства паводле новай працэдуры. Для гэтага, у прыватнасьці, трэба падаць ва Ўправу ў справах грамадзянства і іміграцыі пасьведчаньне аб веданьні латыскай мовы.
Форум