Міністар абароны Польшчы Ўладзіслаў Касіняк-Камыш у эфіры Radio Zet расказаў, што пляны ўмацаваньня дзяржаўная мяжы ўжо распрацаваныя.
На пытаньне «Ці павінна Польшча пачаць будаўніцтва бункераў, равоў і акопаў на мяжы зь Беларусьсю і Расеяй?» Касіняк-Камыш адказаў «Так».
Пры гэтым кіраўнік Міністэрства абароны Польшчы заклікаў не акцэнтаваць увагу выключна на фізычных умацаваньнях.
«Рыхтуем цэлы плян. Мы гэта робім дэ-факта, умацаваньне мяжы. Я тлумачу гэтае пытаньне крыху шырэй. Я тлумачу яго як узмацненьне мяжы. Выпраўляем агароджу на мяжы польска-беларускай, узмацняем гэтую агароджу. Ёсьць вайсковая групоўка, якая пастаянна знаходзіцца ў Падляшшы, Люблінскім ваяводзтве, Мазавецкім, Вармінска-Мазурскім, якія падтрымліваюць Памежную ахову, ёсьць прысутнасьць войска. І выдаткі на гэта самыя вялікія ў 2024 годзе», — заявіў Касіняк-Камыш і зьвярнуў увагу ў тым ліку на прысутнасьць саюзных войскаў на межах краіны.
Форум