Ён удакладніў, што прысутнасьць польскага войска будзе ўзмоцнена ў Вармінска-Мазурскім, Падляскім, Люблінскім і Падкарпацкім ваяводзтвах.
Касіняк-Камыш адзначыў, што на мінулым тыдні адбылося пасяджэньне камітэту нацыянальнай бясьпекі. На ім, у прыватнасьці, «абмяркоўвалася сытуацыя на польска-беларускай мяжы, а таксама фіксацыя росту колькасьці спроб нелегальнага перасячэньня».
Гаворачы аб нарошчваньні вайсковай прысутнасьці на мяжы, Касіняк-Камыш дадаў, што гэта будзе «пастаянная прысутнасьць». Там, між іншым, таксама плянуюць пабудаваць і абсталяваць новыя вайсковыя склады.
Польскі міністар дадаў, што адпаведныя захады накіраваныя на стрымліваньне нападаў патэнцыйнага праціўніка.