У Міністэрстве транспарту і камунікацый Беларусі нагадалі, што ў Беларусі з 28 сакавіка набывае юрыдычную моц указ Аляксандра Лукашэнкі аб забароне грамадзянам мець у сваім распараджэньні бесьпілётнікі.
Цяпер усе ўласьнікі дронаў павінны паставіць іх на дзяржаўны ўлік у дэпартамэнце авіяцыі Міністэрства транспарту і перадаць іх на захоўваньне або ва ўласнасьць прадпрыемству па аэранавігацыйным абслугоўваньні паветранага руху «Белаэранавігацыя».
Перадача дронаў можа адбыцца як бясплатна, так і за грошы.
Аляксандар Лукашэнка 25 верасьня падпісаў указ «Аб дзяржаўным уліку і эксплюатацыі цывільных бесьпілётных апаратаў», які прадугледжвае абмежаваньні для ўласьнікаў дронаў.