Раней Эўразьвяз хацеў прымусіць фэрмэраў адмовіцца ад апрацоўкі 4 працэнтаў зямлі, каб зьменшыць выкіды вуглякіслага газу. Рэформамі таксама прадугледжана, што малыя і сярэднія гаспадаркі плошчай менш як 10 гектараў будуць вызваленыя ад праверак захаваньня экалягічных норм.
Акрамя таго, прапануецца зрабіць больш гнуткімі нормы, якія датычацца глебавага покрыва восеньню і зімой. Краінам-чальцам таксама дазволяць зьмяняць свае стратэгічныя пляны два разы на год (цяпер яны могуць зрабіць гэта адзін раз).
Па словах эўракамісара па сельскагаспадарчай палітыцы ЭЗ Януша Вайцяхоўскага, прапанаваныя рэформы – гэта спосаб задаволіць чаканьні фэрмэраў, якія пратэстуюць у многіх эўрапейскіх краінах.
