Справу 57-гадовай Ірыны Сапрыгінай разглядае судзьдзя Анатоль Стрэльчанка. Яе абвінавачваюць у абразах чыноўніка і Лукашэнкі (ч. 1 арт. 368 КК), піша «Вясна».
Жанчыну затрымалі за камэнтар у чаце ўкраінскага блогера 30 кастрычніка 2023 году. Да яе прыехалі людзі ў масках, правялі ператрус, а затым затрымалі ў крымінальнай справе. Падчас сьледзтва ў справе зьявіўся новы артыкул — 369 КК («абраза прадстаўніка ўлады»).
Праваабронцам вядома, што Ірына Сапрыгіна апошні год была дома, бо даглядала сваю 83-гадовай маці — чарнобыльскую ліквідатарку з інваліднасьцю другой групы. Тым ня менш Ірыне не зьмянілі меру стрыманьня з арышту на паручальніцтва. Праваабаронцам вядома таксама, што да маці Сапрыгінай прыходзіў міліцыянт і пытаўся пра яе стаўленьне да Ўкраіны і Ізраілю.
