20 студзеня каля 21:00 на лінію 102 у Бабруйску паступіла паведамленьне ад мясцовай жыхаркі: мужчына на вуліцы нажом наносіць пашкоджаньні аўтамабілям, пагражае грамадзянам.
Неадкладна па адрасе выехаў нарад Бабруйскага аддзелу Дэпартамэнту аховы МУС, піша прэс-служба міністэрства.
«На месцы здарэньня агрэсіўна настроены мужчына не выконваў законных патрабаваньняў супрацоўнікаў кінуць зброю на зямлю. Калі ён накіраваўся ў бок міліцыянтаў з нажом, тыя зрабілі папераджальныя стрэлы ў паветра, пасьля чаго — па нагах нападніка», — заявілі ў прэс-службе.
Зламысьнік, згодна з вэрсіяй сілавікоў, паспрабаваў зьдзейсьніць самагубства, але спробу прадухілілі, пасьля чаго аказалі яму першую дапамогу.
44-гадовага бабруйчаніна даставілі ва ўстанову аховы здароўя.