Савет Эўразійскай эканамічнай камісіі (ЭЭК) ухваліў рашэньне даць Расеі тарыфную льготу на імпарт курыных яек з Ірану і Турэччыны.
Як адзначаецца на сайце Эўразійскай эканамічнай камісіі, Расея цягам паўгода (з 1 студзеня да 30 чэрвеня 2024 году) зможа ўвозіць яйкі бяз мыта.
Аб’ём пастаўкі вызначылі ў колькасьць да 1,2 мільярда яек.
«Пастаўкі з далёкага замежжа не ажыцьцяўляліся з 2020 году, што было зьвязана з высокім узроўнем самазабясьпечанасьці. Аднак цяпер на тле павелічэньня спажывецкага попыту і зьніжэньня вытворчасьці праз эпізаатычную сытуацыю мы назіраем прыкметнае падаражаньне яек», — сказаў міністар гандлю ЭЭК Андрэй Сьляпнёў.
Паводле яго, бязмытныя ўмовы ўвозу будуць часовымі, але яны дазволяць пазьбегнуць павелічэньня цэнаў на яйкі і магчымага дэфіцыту.
Пасьля таго, як у Расеі вынік дэфіцыт яек, у Беларусі таксама пачалася тэндэнцыя да росту цаны на гэтую прадукцыю. Экспэрты адзначалі, што ён склаў ад 7 да 9 адсоткаў.
