У Адэскай вобласьці адзін са зьбітых дронаў упаў на прыватны дом і выклікаў пажар. Загінуў чалавек — як мяркуецца, гаспадар дома.
Ракеты і бесьпілётнікі запускалі з анэксаванага Крыма і з акупаванай расейскімі войскамі тэрыторыі Херсонскай вобласьці, іх зьнішчылі над Адэскай, Херсонскай, Запароскай і Хмяльніцкай абласьцямі.
Міністэрства абароны Расеі паведаміла, што за ноч расейская СПА перахапіла і зьнішчыла 33 бесьпілётныя лятальныя апараты над тэрыторыямі Ліпецкай, Растоўскай і Валгаградзкай абласьцей, а пазьней — яшчэ два над Валгаградзкай. Зьвестак аб пацярпелых і разбурэньнях не прыводзіцца.
Расія абстрэльвае Украіну практычна кожны дзень, аднак у параўнаньні з мінулай зімой інтэнсіўнасьць ракетных нападаў зьнізілася, а працэнт ракет, якія зьбіваюцца, вырас. Масіраваныя напады ўкраінскіх бесьпілётнікаў на тэрыторыю Расеі — зьява адносна новая.
