Бацьку пісьменьніка Сашы Філіпенкі прысудзілі 13 сутак за рэпост матэрыяла з партала «Зеркало», які прызнаны «экстрэмісцкім» у Беларусі.
Пра гэта Саша Філіпенка расказаў Свабодзе.
39-гадовы Саша Філіпенка — вядомы беларускі расейскамоўны пісьменьнік, родам зь Менску, жыве ў эміграцыі, ляўрэат літаратурных прэмій, аўтар раманаў «Чырвоны крыж», «Цкаваньне», «Былы сын», «Задумы», «Вяртаньне ў Астрог», «Крэмулятар», апавяданьняў і п'ес. Ягоныя творы перакладзеныя на больш за 10 моваў.
Ён быў удзельнікам многіх жнівеньскіх пратэставых акцыяў у Менску, таксама ён асудзіў паўнамаштабнае ваеннае ўварваньне Расеі ва Ўкраіну ў 2022 годзе.
