Яе паведамляе Радыё Рацыя, прычынай была зьмена статусу навучаньня беларускай мове ў агульнаадукацыйных беларускіх ліцэях у Бельску Падляшскім і Гайнаўцы. У выніку гэтых зьменаў беларуская мова ў згаданых ліцэях і здача іспытаў на атэстат сталасьці па беларускай мове былі б неабавязковымі. Зь цягам часу гэта ўвогуле пагражае ліквідацыяй беларускіх ліцэяў.
Старшыня беларускага саюзу ў Польшчы Яўген Вапа наступным чынам пракамэнтаваў скаргу:
"Нас вельмі ўзрушыў факт, што 27 верасьня гэтага году, зусім нядаўна, Падляская куратарка асьветы, спадарыня Барбара Пятрушка накіравала ліст у адрас дырэктара Гайнаўскага Беларускага Ліцэя Ігара Лукашука, у якім дамагаецца таго, каб ён скасаваў актуальны статут школы, і абавязкова даваў згоду ўсім тым, хто жадае вучыцца ў гэтай школе без навучаньня беларускай мовы».
Агульнаадукацыйныя ліцэі з дадатковым навучаньнем беларускай мове ў Бельску Падляскім і Гайнаўцы — гэта школы ў якіх вучні вывучалі беларускую мову і здавалі па ёй іспыт для атрыманьня атэстату сталасьці.
Гэтую сытуацыю з мінулага навучальнага года спрабуюць зьмяніць некаторыя бацькі вучняў з бельскага ліцэю, якіх падтрымлівае куратарка асьветы Падляшша. Пад пэтыцыяй у абарону навучаньня беларускай мове ў бельскім і гайнаўскім ліцэях падпісаліся больш за 2200 асобаў, у большасьці выпускнікі згаданых школаў.
