Мінадукацыі Беларусі выправіла памылку ў атэстатах, якую заўважылі незалежныя СМІ сёлета ў чэрвені. Тады ва ўсіх дакумэнтах аб адукацыі новага ўзору прысутнічала слова «фамілія» замест «прозьвішча».
Згодна са зьместам апублікаванай 6 верасьня на Нацыянальным прававым інтэрнэт-партале пастановы Мінадукацыі (№ 215 ад 31 ліпеня 2023-га) замест «фамілія і ініцыялы» цяпер у дакумэнтах будуць пісаць «ініцыялы і прозьвішча».
