Пра гэта паведамляе БЕЛТА са спасылкай на Міністэрства працы і сацыяльнай абароны. Урад 18 жніўня падвысіў так званую базавую стаўку да 235 рублёў, 1 верасьня 2022 году яна складала 211 рублёў (падвышэньне на 11,4%).
«Базавая стаўка — асноўны элемэнт тарыфнай сыстэмы, на аснове якой праводзіцца аплата працы работнікаў бюджэтных арганізацый і іншых арганізацый, якія атрымліваюць субсыдыі, работнікі якіх прыраўнаныя па аплаце працы да работнікаў бюджэтных арганізацый», — растлумачылі ў ведамстве.
Асноўная частка заробку падлічваецца як базавая стаўка, памножаная на каэфіцыент разраду.
Між тым спажывецкія цэны ў Беларусі ў студзені-ліпені 2023 году вырасьлі, паводле агенцтва BPN, на 3,26%. Такім чынам, рэальнае падвышэньне заробкаў бюджэтнікам як мінімум на чвэрць меншае.
