Міжнародны алімпійскі камітэт не запрасіў нацыянальныя камітэты Беларусі і Расеі на Алімпіяду ў Парыжы

Міжнародны алімпійскі камітэт накіраваў 203 нацыянальным камітэтам афіцыйнае запрашэньне аб удзеле ў ХХХІІІ Алімпійскіх гульнях, якія адбудуцца ў Парыжы (Францыя) у 2024 годзе.

Як вынікае з паведамленьня прэсавай службы Міжнароднага алімпійскага камітэту, на Алімпіяду не атрымаюць запрашэньня нацыянальныя алімпійскія камітэты Беларусі, Расеі і Гватэмалы.

Рашэньне аб індывідуальным удзеле спартоўцаў зь Беларусі і Расеі ў нэўтральным статусе ўхваляць пазьней.

ГЛЯДЗІЦЕ ТАКСАМА:

У МАК заявілі, што не запросяць Беларусь і Расею да ўдзелу ў Алімпіядзе 2024 году

Таксама запрашэньні Беларусі, Расеі і Гватэмале ня прыйдуць і на зімовыя Алімпійскія гульні, што адбудуцца ў італьянскай Картыне-д’Ампэца ў 2026 годзе.

ГЛЯДЗІЦЕ ТАКСАМА:

Рада Эўропы патрабуе забараніць беларускім і расейскім спартоўцам удзельнічаць у Алімпійскіх гульнях