Паводле яго, на гэта плянуецца выдзеліць каля 2 млрд эўра, паведамляе партал Delfi.
«Гэта стане адной з найбуйнейшых закупак Літвы: ня толькі для войска, але і для Літвы ў цэлым. Гаворка ідзе пра 2 млрд эўра, уключаючы ня толькі цану танка, але і боепрыпасы, лягістыку, забесьпячэньне. Гэта вялікая закупка», — сказаў Будрыс у эфіры радыёстанцыі Žinių radijas. ELTA нагадвае, што ў панядзелак пасьля паседжаньня Дзяржаўнай рады абароны міністар нацыянальнай абароны Арвідас Анушаўскас згадаў, што неўзабаве зь нямецкімі вытворцамі будзе падпісаны пратакол аб намерах датычна закупкі танкаў.
Камандуючы Літоўскай арміяй Вальдэмарас Рупшыс у траўні аб’явіў аб фармаваньні лёгкай пяхотнай дывізіі ў складзе трох брыгад і танкавага батальёна ў Літве. Рупшыс падкрэсьліў, што фармаваньне танкавага батальёна неабходнае краіне, незалежна ад рашэньня аб стварэньні літоўскай дывізіі.