Камітэт дзяржаўнага кантролю Беларусі 17 красавіка заявіў, што затрымаў службовых асоб пяці прыватных кампаній, якія пастаўлялі мэдыцынскія і фармацэўтычныя тавары ва ўстановы аховы здароўя. Колькасць затрыманых і назвы кампаній пакуль не паведамляюцца.
Паводле КДК, работнікі прыватных кампаній нібыта дамаўляліся з замежнымі вытворцамі тавараў аб іх пастаўцы на тэрыторыю Рэспублікі Беларусь і тавары наўпрост на адрас беларускіх суб’ектаў гаспадараньня праз фальшывых пасярэднікаў. Дакумэнтальна пастаўка афармлялася праз падкантрольныя замежныя арганізацыі. Тыя ж у сваю чаргу, павялічваючы цану на тавары па асобных пазыцыях у 4-5 разоў, рэалізоўвалі яе беларускім кампаніям, піша прэсавая служба КДК.
Прычыненую шкоду ў выглядзе нявыплачаных падаткаў кантралёры падлічылі на больш як 8,9 млн рублёў.
На заснавальнікаў і кіраўнікоў кампаній завяолі крымінальныя справы. КДК піша, што дваіх фігурантаў справы затрымалі ў пункце пропуску «Лоша» пры спробе выехаць за мяжу.
