Антыкарупцыйныя органы расьсьледуюць магчымыя злоўжываньні ў Мінабароны пры закупцы харчаваньня для войска, на суму больш чым у 13 млрд грыўняў (323, 5 млн эўра). У самім МА абвінавачаньні абвяргаюць як «беспадстаўныя».
Таксама звольнены намесьнік генпракурора Ўкраіны Аляксей Сіманенка.
Рада нацбясьпекі і абароны Ўкраіны забараніла прадстаўнікам улады выяжджаць на адпачынак за мяжу, паведаміў Уладзімір Зяленскі ў сваім вечаровым відэазвароце.
«Яна [забарона] распаўсюджваецца на ўсіх службовых асобаў цэнтральнага ўраду і розных іншых узроўняў мясцовага самакіраваньня. Гэта датычыцца сілавікоў, народных дэпутатаў, пракурораў і ўсіх тых, хто павінен працаваць на дзяржаву і ў дзяржаве. Калі яны хочуць адпачыць цяпер, то будуць адпачываць па-за дзяржслужбай. Чыноўнікі больш ня змогуць выяжджаць за мяжу на адпачынак або зь любой іншай недзяржаўнай мэтай», — сказаў прэзыдэнт Украіны Ўладзімір Зяленскі.
Таксама Зяленскі дадаў, што ўжо ёсьць «кадравыя рашэньні адносна кіраўнікоў рознага ўзроўню ў міністэрствах і іншых структурах цэнтральнай улады і ў рэгіёнах, і ў праваахоўнай сыстэме».
23 студзеня «Украінская праўда» з спасылкай на свае крыніцы паведаміла, што намесьнік кіраўніка Офіса прэзыдэнта Кірыла Цімашэнка напісаў заяву аб сыходзе з пасады. Акрамя таго, паводле зьвестак выданьня, адстаўку сыдуць кіраўнікі Сумскай, Днепрапятроўскай, Запароскай і Херсонскай вайсковых адміністрацый. Гэтая інфармацыя пакуль афіцыйна не пацьверджана.
24 студзеня Кірыла Цімашэнка пацьвердзіў, што сыходзіць з пасады.
- Указаў аб кадравых рашэньнях на сайце кіраўніка дзяржавы пакуль няма.
