Кіраўнік парлямэнцкай фракцыі «Слуга народу» Давід Арахамія апублікаваў відэазварот. Ён адзначыў, што Зяленскі плянаваў заклікаць сьвет падтрымаць прапанаваную Кіевам формулу міру.
«З такім заклікам прэзыдэнт Зяленскі павінен быў зьвярнуцца да сьвету перад фіналам футбольнага чэмпіянату ў Катары. Катар падтрымаў гэтую ідэю, але ФІФА заблякавала паказ звароту, хоць у ім няма нічога, што парушала б традыцыі спартовых спаборніцтваў і агульнапрынятыя стандарты міжнародных зносін», — пракамэнтаваў Арахамія.
ФІФА пакуль не пракамэнтавала гэтыя заявы.
Фінальны матч чэмпіянату сьвету па футболе паміж Аргентынай і Францыяй пачнецца сёньня а 18-й гадзіне паводле менскага часу.
