Падчас свайго першага візыту ў Канаду, які пачаўся 19 лістапада, дэмакратычны лідэр Сьвятлана Ціханоўская сустрэнецца з прэмʼер-міністрам краіны Джасцінам Трудо, паведамілі BPN у яе прэс-службе.
Таксама заплянаваная як сустрэча зь міністаркай замежных спраў Мэлані Жалі і выступленьне Ціханоўскай на Галіфакскім міжнародным форуме па бясьпецы.
Акрамя таго, анансуюцца сустрэчы лідэркі дэмакратычных сілаў Беларусі з акадэмічнай грамадзкасьцю, парлямэнтарыямі, беларускай дыяспарай, кіраўніком Рады БНР Івонкай Сурвілай.
«Галоўнае пасланьне канадзкаму кіраўніцтву — падтрымаць беларускі дэмакратычны рух, павялічыць дапамогу Канады беларускай грамадзянскай супольнасьці, СМІ, праваабаронцам», — падкрэсьлілі ў прэс-службе Ціханоўскай.
