МНС і санстанцыя падалі пазовы аб прыпыненьні працы чатырох прыватных школ

Паседжаньні ўнесеныя ў расклад на сайце Вярхоўнага суду, заўважыла выданьне Zerkalo.io.

Гаворка ідзе пра прыватныя школы «Стэмбрыдж», «Генэзіс Скул», «Грын Хіл» і «Пачатковая школа РКШ». Супраць першых трох пазовы падало МНС у асобе Савецкага і Першамайскага РАНС, а супраць апошняй школы — Цэнтар гігіены і эпідэміялёгіі Фрунзенскага раёну Менску.

Справы будуць разглядаць судзьдзі Іван Майсейчык і Ігар Мурашкін.

ГЛЯДЗІЦЕ ТАКСАМА:

Сталі вядомыя дэталі арышту дырэктаркі менскай прыватнай школы

Акрамя таго, як сьцьвярджае Sputnik.by са спасылкай на сваю крыніцу, днямі такі ж суд прайшоў у дачыненьні да прыватнай установы адукацыі «Мужчынская гімназія». Вышэйназваная «Пачатковая школа РКШ» — фактычна частка гэтай гімназіі.

ГЛЯДЗІЦЕ ТАКСАМА:

«Улады бачаць у прыватнай адукацыі свайго апанэнта, альтэрнатыву», — пэдагог Сьвятлана Мацкевіч

Да пачатку кастрычніка вялікая частка недзяржаўных школаў у Беларусі прыпынілі працу ў сувязі зь ціскам з боку ўладаў.

ГЛЯДЗІЦЕ ТАКСАМА:

Улады закрылі школу ў каталіцкім Хрысьціянскім сацыяльным цэнтры ў Менску

ГЛЯДЗІЦЕ ТАКСАМА:

Міністэрства адукацыі паставіла на першае месца ідэалягічную апрацоўку