Як расказала сама Вольга ў эфіры «Обычного утра», янаі ўжо на волі, а яе вызваленьне каштавала ёй 24 тысячы эўра.
37-гадовую ўраджэнку Баранавічаў Вольгу Манкевіч затрымалі 22 жніўня на вакзале, калі яна прыехала ў Беларусь з Андоры наведаць знаёмых і магілу маці, якая памерла ў 2018 годзе. Пасьля затрыманьня Вольгу зьмясьцілі ў СІЗА.
Пазьней прадстаўніца пракуратуры Іна Данільчык сказала, што жанчыне выставілі абвінавачаньні паводле ч. 1 арт. 368 КК (абраза Лукашэнкі). Санкцыя гэтага артыкулу прадугледжвае пакараньне ад штрафу да зьняволеньня да чатырох гадоў.
