Пра гэта паведамляе Reuters са спасылкай на Пэнтагон.
Продаж адбываецца на фоне таго, што ўрады ўсяго сьвету назіраюць за ўварваньнем Расеі ва Ўкраіну і гатовы ўсё больш інвэставаць у сыстэмы ўзбраеньняў, адзначае інфармацыйнае агенцтва.
Так, Нідэрлянды закупяць 96 ракет для ЗРК Patriot і спадарожнае абсталяваньне. Сума кантракту складае 1,2 млрд долараў.
Аўстралія закупіць 80 ракет «паветра — зямля», а таксама крылатыя ракеты з павялічанай далёкасьцю. Яны прызначаны для самалётаў F-18 і F-35.
Для ААЭ прызначаецца абсталяваньне для акіянаграфічных назіраньняў, якое ўключае ў сябе шматпазыцыйныя датчыкі і сродкі аддаленага збору даных, на агульную суму 206 млн долараў.
Кувэйту прададуць розныя боепрыпасы вытворчасьці Raytheon і Lockheed на суму да 397 млн даляраў.
