Гэтая заява прагучала пасьля таго, як у пятніцу Байдэн падпісаў указ аб пашырэньні доступу да паслуг у перапыненьні цяжарнасьці.
Байдэн накіроўваўся на роварную прагулку недалёка ад сваёй рэзыдэнцыі ў Дэлавэры, калі ён спыніўся, каб пагаварыць з рэпартэрамі, якія задалі яму пытаньне, ці не разглядае ён магчымасьць абвяшчэньня надзвычайнай сытуацыі ў галіне аховы здароўя ў дачыненьні да доступу да абортаў.
Прэзыдэнт адказаў, што даручыць супрацоўнікам сваёй адміністрацыі высьветліць, ці ёсьць у яго такія паўнамоцтвы і якія будуць наступствы такога кроку.
Дэмакраты робяць ціск на Байдэна, патрабуючы ўжыць захады пасьля таго, як у мінулым месяцы было прынята рашэньне аб адмене вэрдыкту Вярхоўнага суду, якое перакрэсьліла 50-гадовую гісторыю абароны рэпрадукцыйных правоў жанчын.
Размаўляючы з журналістамі, Байдэн сказаў, што яго мэта — заканадаўчае замацаваньне права на аборт, і зьвярнуўся з пасланьнем да пратэстоўцаў супраць абортаў, якія сабраліся ля Белага дома: «Працягвайце пратэставаць. Працягвайце адстойваць свой пункт гледжаньня. Гэта крытычна важна».
«Мы можам шмат зрабіць, каб забясьпечыць правы жанчын», — канстатаваў прэзыдэнт Байдэн.
