Пра гэта паведаміла прэс-служба лідэра самаабвешчанай Абхазіі.
«Бакі абмеркавалі пытаньні, якія ўяўляюць узаемную цікавасьць, актуальныя аспэкты эўразійскай інтэграцыі, пэрспэктывы інвэстыцыйна-эканамічнага супрацоўніцтва. У сустрэчы прыняў удзел міністар замежных спраў Рэспублікі Абхазія Інал Ардзінба», – гаворыцца ў паведамленьні.
Адзначаецеся таксама, што Віктар Шэйман перадаў Бжанію «памятны падарунак» ад Лукашэнкі і прыняў падарунак у адказ.
Раней аб афіцыйных візытах прадстаўнікоў беларускага ўрада ў Абхазію не паведамлялася. У жніўні 2008 года, пасьля вайны паміж Расеяй і Грузіяй і зьяўленьні дзьвюх самаабвешчаных рэспублік (Абхазіі і Паўднёвай Асэтыі), Аляксандар Лукашэнка сустракаўся зь іх кіраўнікамі ў Сочы.
Аднак Беларусь афіцыйна, у адрозьненьне ад Расеі, Нікарагуа, Вэнэсуэлы, Науру і Сырыі, так і не прызнала незалежнасьць самаабвешчанай Абхазіі.
У дакумэнтах ААН Абхазія разглядаецца як тэрыторыя Грузіі.
