Расейскім паліцыянтам зь лютага праводзяць рэгулярныя палітынфармацыі, на якіх прымушаюць канспэктаваць прамовы прэзыдэнта Расеі Ўладзіміра Пуціна, расказваюць пра нэанацыстаў і біялябараторыі ва Ўкраіне. Пра гэта паведамляе выданьне «Медиазона».
Без канспэктаў супрацоўнікаў расейскага МУС не пускаюць у водпуск, расказалі яны выданьню. Паліцыянтам, сярод іншага, расказваюць, што «ўкраінскія радыкалы ўтрымліваюць больш за 4,5 млн чалавек у якасьці жывога шчыта», і паказваюць фільм «Злачынствы нацыстаў».
