«Сытуацыя ў Марыюпалі пагаршаецца. На жаль, пакуль мы ня можам дасягнуць там станоўчага выніку. У нашых вайскоўцаў і салдатаў сотні параненых. Абараняючы сваёй сьпінай звычайных цывільных людзей, яны губляюць свае жыцьці. Бо, наколькі я ведаю, у Марыюпалі за нашымі хлопцамі стаіць каля тысячы мірных жыхароў, сярод якіх ёсьць дзеці і жанчыны», — цытуе Зяленскага ягоная прэс-служба.
Ён зьвярнуў увагу, што дзякуючы працы гуманітарных калідораў раней з Марыюпалю ўдалося выехаць дзясяткам тысяч мірных жыхароў. Пры гэтым у Расейскую Фэдэрацыю прыехалі тысячы, і іх лёс украінскім уладам невядомы.
Зяленскі назваў два спосабы разблякаваць Марыюпаль: перадачу цяжкіх узбраеньняў украінскім вайскоўцам або дыпляматычны шлях, зь якім ня згодная Расея. Зяленскі заявіў, што Ўкраіна, са свайго боку, гатовая да розных фарматаў абмену сваіх людзей на расейскіх вайскоўцаў:
«Мы гатовыя да розных фарматаў абмену нашымі людзьмі з расейскімі людзьмі, расейскімі салдатамі, якіх яны пакінулі. І трупы пакінулі, і параненых выкінулі. Таму мы гатовыя, дзеля нашых людзей, як вайсковых, гэтак і цывільных, да любога фармату абмену».
