«Дзейнасьць брытанскай арганізацыі ўяўляе пагрозу канстытуцыйнаму ладу і бясьпецы РФ», — гаворыцца ў тэлеграм-канале ведамства.
Матэрыялы накіраваны ў Мінюст для ўключэньня арганізацыі ў адпаведны пералік. Гэта 54-я арганізацыя, прызнаная ў Расеі непажаданай. За супрацу з такімі арганізацыямі расейцам пагражае крымінальная адказнасьць.
Каралеўскі інстытут міжнародных адносінаў — брытанскі аналітычны цэнтар, які выдае некалькі часопісаў, прысьвечаных міжнародным адносінам, рэгулярна ладзіць дэбаты і абмеркаваньні.
У Беларусі Chatham House з восені 2020 году праводзіць рэгулярныя апытаньні грамадзкай думкі, беларускім праектам брытанскага дасьледнага цэнтру кіруе доктар паліталёгіі Рыгор Астапеня.
Паводле апошняга, сакавіцкага апытаньня цэнтру сярод беларускіх гараджанаў толькі 3% выступаюць за ўдзел беларускага войска на баку Расеі ў вайне ва Ўкраіне.
