Такая лічба была агучана на сустрэчы Сьвятланы Ціханоўскай з прадстаўнікамі плятформы ў Даніі, паведаміў «Позірк» з спасылкай на дарадцу Ціханоўскай Франка Вячорку.
Плятформа, створаная ў 2021 годзе па рэкамэндацыі «Маскоўскага мэханізму» АБСЭ, супрацоўнічае з шасьцю эўрапейскімі ўрадамі і падтрымліваецца 14 краінамі. Яна зьбірае доказы і сьведчаньні ад людзей, якія пацярпелі ад рэпрэсій, і апрацоўвае іх для міжнародных структураў, у тым ліку ААН і судоў.
Што такое «Маскоўскі мэханізм» АБСЭ
Гэта адзін з галоўных інструмэнтаў Арганізацыі па бясьпецы і супрацоўніцтве ў Эўропе для расьсьледаваньня і дакумэнтаваньня сурʼёзных парушэньняў правоў чалавека.
Маскоўскі мэханізм АБСЭ быў прыняты ў 1991 годзе на сустрэчы арганізацыі ў Маскве, адкуль і атрымаў сваю назву.
Ён замацаваў прынцып, што правы чалавека і дэмакратыя — гэта не выключна «ўнутраная справа дзяржавы». Калі ў краіне адбываюцца сыстэмныя парушэньні, іншыя краіны могуць ініцыяваць незалежнае міжнароднае расьсьледаваньне.
У дачыненьні да Беларусі гэты мэханізм ужываўся двойчы.
Упершыню яго запусьцілі ў 2011 годзе пасьля гвалтоўнага разгону пратэстаў і масавых арыштаў пасьля прэзыдэнцкіх выбараў у сьнежні 2010-га.
Другі раз — у 2020-м. Калі і колькасьць пратэстоўцаў, і размах рэпрэсій і гвалту з боку ўлады вырасьлі шматкроць.
Форум