У сужэнцаў забралі біткойны на суму тры мільярды 600 мільёнаў даляраў ЗША. Па словах пракурораў, гэта найбуйнейшая канфіскацыя крыптавалюты ў гісторыі. Кожнаму з абвінавачаных пагражае да 20 гадоў турмы.
Агенцтва Bloomberg паведамляе, што Ліхтэнштэйна і Морган вызвалілі пад заклад у восем мільёнаў даляраў. Урад настойваў на закладзе ў 100 мільёнаў даляраў. У адказ адвакаты назвалі суму «сьмеху вартай».
Паводле дадзеных Crunchbase, Ліхтэнштэйн — сузаснавальнік стартапа MixRank, які распрацоўвае праграмнае забесьпячэньне для маркетынгавых кампаній. Морган заснавала сэрвіс капірайтынгу SalesFolk.
Хізэр Морган 31 год. Раней яна жыла ў Ганконгу і Эгіпце, вывучае расейскую мову. Ільлі Ліхтэнштэйну 34 гады. У ЗША ён жыве з шасьці гадоў. Яго бацькі эмігравалі, каб пазьбегнуць перасьледу па рэлігійнай прыкмеце, удакладняе Bloomberg.
