У іх узялі экспрэс-тэст на антыцелы COVID-19. Усяго ў летніку знаходзіцца 290 дзяцей.
«Ва ўсіх дзяцей праведзены адбор біялягічнага матэрыялу для экспрэс-тэставаньня на антыцелы COVID-19. Усе хворыя дзеці знаходзяцца пад наглядам мэдыкаў, у тым ліку і тыя, хто, як мяркуецца, можа захварэць у бліжэйшы час. У большасьці захворваньне працякае бессымптомна, шпіталізацыя не патрабуецца», — паведамляе Мінздароўя.
Паводле кіраўнікоў цэнтру, у дзяцей пры прыёме ў цэнтар бралі даведкі з інфармацыяй аб адсутнасьці кантакту з хворымі на COVID-19. Дзеці не вакцынаваныя супраць COVID-19, супраць грыпу вакцынаваныя 43 дзіцяці.
Цяпер у цэнтры працуе абласная камісія ўрачоў-інфэкцыяністаў, а таксама эпідэміёлягі Рэспубліканскага цэнтру гігіены, эпідэміялёгіі і грамадзкага здароўя.
За апошні дзень ў Беларусі зарэгістравалі 8 231 пацыента з COVID-19, паведаміла Міністэрства аховы здароўя 5 лютага. Гэта новы рэкорд з пачатку пандэміі.
