У прыватнасьці, Польшча, усьлед за некаторымі іншымі краінамі, спыніць палёты ў сем краінаў паўднёвай Афрыкі: Батсвану, Эсватыні, ПАР, Мазамбік, Лесота, Намібію і Зымбабвэ. Людзі, якія прыбудуць з гэтых краін, незалежна ад маршруту, будуць адпраўляцца на 14-дзённы карантын без магчымасьці перапыніць яго датэрмінова.
Урад павялічыць да 14 дзён карантын для людзей, якія ўяжджаюць у Польшчу з-за межаў шэнгенскай зоны. Цяпер карантын для гэтай катэгорыі падарожнікаў складае 10 дзён. Патрабаваньні аб карантыне па-ранейшаму ня будуць тычыцца прышчэпленых вакцынамі, прызнанымі ў Эўразьвязе.
Стануць больш жорсткімі абмежаваньні ўнутры краіны. Узровень запаўняльнасьці публічных аб’ектаў — крамаў, гатэляў, басэйнаў, кінатэатраў, тэатраў, канцэртных заляў — зьніжаецца з 75 да 50 працэнтаў.
Больш жорсткія правілы і абмежаваньні будуць дзейнічаць да 17 сьнежня. Міністар Адам Нядзельскі адзначыў, што ў далейшым яны могуць быць перагледжаныя з улікам каранавіруснай сытуацыі.
Што трэба ведаць пра новы каранавірус, які выклікае COVID-19
- Невядомы раней вірус выявілі ў кітайскім горадзе Ўхань у сьнежні 2019 году.
- Афіцыйнай назвай хваробы ад новага каранавірусу з Кітаю стала COVID-19 (coronavirus disease).
- Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
- Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
- Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
- Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг.
Найважнейшыя пытаньні і адказы пра каранавірус
Беларускія мэдыкі, якія загінулі падчас пандэміі COVID-19. СЬПІС ПАМЯЦІ
