Савет Міністраў вызваліў ад пасадаў двух першых намесьнікаў міністра:
- Аляксандра Гурʼянава зь Міністэрства замежных спраў,
- Сяргея Задзірана зь Міністэрства юстыцыі.
Адпаведную пастанову 2 лістапада апублікаваў Нацыянальны прававы інтэрнэт-партал. Прынятая яна была 29 кастрычніка.
18 кастрычніка Аляксандар Лукашэнка звольніў міністра юстыцыі Алега Сьліжэўскага, які займаў пасаду 10 гадоў.
Яго замяніў былы намесьнік міністра ўнутраных спраў, генэрал-маёр міліцыі Сяргей Хаменка.
