Журналіста судзілі за падабайкі пад допісамі на старонках СМІ, якія ўлада прызнала экстрэмісцкімі.
У першым пратаколе ў віну Сяргею Няроўнаму паставілі адзнаку «падабаецца» на старонцы Tut.by у Facebook, у другім — падабайку на старонцы «Белсату».
Міліцыянты палічылі, што сваімі падабайкамі журналіст нібыта «распаўсюдзіў экстрэмісцкія матэрыялы».
І за першы, і за другі «лайк» журналіста затрымлівала міліцыя. Дома ў яго правялі ператрус.
1 лістапада суд Крычаўскага раёну аштрафаваў Сяргея Няроўнага на 580 рублёў, паведаміў тэлеграм-канал Mayday.
