Аднак расейскае выданьне «Коммерсант», спасылаючыся на «інфармаваную дыпляматычную крыніцу», піша, што «ўвесь пакет могуць не пасьпець падрыхтаваць для зацьвярджэньня двума лідэрамі». Паводле крыніцы, гэта даволі вялікі аб’ём міжведамаснай работы, і ў тэрмін бакі рызыкуюць ня ўкласьціся. «Гэта значыць, тэмпы інтэграцыі зноў могуць запаволіцца, чым бы гэта ні тлумачылася», — канстатуе выданьне.
Паведамлялася, што на перамовах Пуціна з Лукашэнкам у Маскве 9 верасьня бакі ўзгаднілі 28 праграм па далейшым паглыбленьні інтэграцыйных працэсаў паміж дзьвюма краінамі. На другі дзень гэтыя праграмы ўхвалілі кіраўнікі ўрадаў абедзьвюх краін.
