а пазьней — ва ўкраінскім добраахвотніцкім батальёне «Азоў», створаным у 2014 годзе для абароны тэрытарыяльнай цэласнасьці Ўкраіны.
У 2014 годзе Сяргей Кароткіх атрымаў грамадзянства Ўкраіны. Апошнім часам ягонае імя зноў зьявілася ў інфармацыйнай прасторы ў сувязі з датычнасьцю да грамадзкай арганізацыі «Беларускі дом ва Ўкраіне», фармальнага кіраўніка якога Віталя Шышова 3 жніўня знайшлі павешаным у лесапаркавай зоне на ўскраіне Кіева.
Як адзначаецца ў апублікаванай картцы справы, Сяргею Кароткіх інкрымінуюць ч. 2, пп. а, ж, л артыкулу 105 Крымінальнага кодэксу Расеі (забойства дзьвюх або больш асобаў, учыненае групай паводле папярэдняй змовы або арганізаванай групай, з матываў палітычнай, ідэалягічнай, расавай, нацыянальнай або рэлігійнай нянавісьці ў дачыненьні да якой-небудзь сацыяльнай групы).
Паводле Крымінальна-працэсуальнага кодэксу Расеі, суд можа разглядаць пытаньне аб арышце падазраванага толькі ў ягонай прысутнасьці. У той жа час расейскае заканадаўства дазваляе завочна ўхваляць рашэньне аб узяцьці пад варту ў выпадку абвяшчэньня падазраванага ў міжнародны ці міждзяржаўны вышук. Дата разгляду гэтага пытаньня пакуль невядомая.
Сяргей Кароткіх назваў гэтую інфармацыю «арыгінальным спосабам» віншаваньня з Днём Незалежнасьці Ўкраіны.
«Я зноў ў вышуку і зноў не ў Тэхасе... Думаю, пакуль рана тлумачыць, што любое незалежнае агенцтва расьсьледаваньняў усе гэтыя фэйкі раскрые „на раз“», — напісаў ён у сваім тэлеграм-канале і параіў расейцам пачытаць гісторыю ўкраінскага народу, бо яны «дагэтуль не разумеюць, з кім сутыкнуліся».