Крымінальную справу на Ўладзіслава Усьціна завялі па падзеях 14 ліпеня 2020 году ў Менску, калі людзі выйшлі на стыхійную акцыю пратэсту. У той дзень яго схапілі, кінулі ў аўтазак і там зьбівалі. Раніцай Усьціна вызвалілі без пратаколу, аднак 16 ліпеня затрымалі зноў і потым судзілі за штуршок супрацоўніка АМАПу, піша «Вясна».
21 сакавіка 2021 году Ўладзіслава накіравалі адбываць пакараньне ў папраўчую ўстанову адкрытага тыпу № 7 у Пружанскім раёне.
Па інфармацыі праваабаронцаў, Уладзіслаў зьбег з «хіміі» і пакінуў межы Беларусі. Зараз ён знаходзіцца ў іншай краіне.
