Пасьля іх у Тut.by зьвярнулася жанчына, дзевяцігадовы сын якой атрымаў траўму рукі «падчас запуску дымавых шашак».
Вайскоўцы паказалі там сваю тэхніку, было некалькі выступаў, а потым частавалі салдацкай кашай. Вайскоўцы паказвалі сярод іншага, як умеюць страляць, запускалі дымавыя шашкі, былі чутны «выбухі».
Жанчына кажа, што пусьціла сына бліжэй да агароджы (за яе ён не заступаў), у першы шэраг, каб яму было лепш відаць.
«Мяне ад сына адлучала прыкладна тры шэрагі людзей. Я не выпускала з поля зроку яго куртку. У нейкі момант „выбухі“ пачуліся бліжэй. Я заўважыла, што дарослыя сталі адводзіць з першых шэрагаў маленькіх дзяцей — яны заплакалі. Мой сын таксама стаў адыходзіць. Падышла бліжэй — паказвае руку і плача, — распавядае маці. — Я павяла яго ў бліжэйшую хуткую дапамогу, там рану апрацавалі і сказалі, што гэта апёк».
Жанчына кажа, што спрабавала знайсьці адказных за выступы, але нічога не атрымалася. Вечарам сям’я зʼездзіла ў траўмапункт Горадзенскай абласной дзіцячай клінічнай бальніцы і зафіксавала здарэньне.
Бацькі хлопчыка тлумачаць, што ў іх прэтэнзій няма, але хацелі б адчуваць сябе ў бяспецы пры правядзенні такіх мерапрыемстваў.
Увечары сямʼю наведалі прадстаўнікі Мінабароны і прывезьлі невялікія падарункі. У ходзе гутаркі ім так і не ўдалося прыйсьці да высновы, як і дзе хлопчык мог атрымаць траўму.
