Пра гэта паведамляе «Укрінформ».
У цырымоніі ўзялі ўдзел прэзыдэнт Альбаніі Ілір Мэта, прэм’ер-міністар Эдзі Рама, амэрыканскія генэралы Тод Уолтэрс (галоўнакамандуючы сіламі NATO у Эўропе) і Джэфры Харыгян (камандуючы ВПС ЗША ў Эўропе і ў Афрыцы).
У вучэньнях будуць удзельнічаць звыш 28 тысяч вайскоўцаў, яны пройдуць на тэрыторыі 16 краінаў, у Альбаніі, на Бальканах, у краінах Балтыі, на Чорным моры і ў Афрыцы.
Вучэньні працягнуцца да чэрвеня, яны маюць на мэце ўзмацненьне вайсковага супрацоўніцтва і фармаваньне стратэгічнай і апэратыўнай гатоўнасьці і ўзаемадзеяньня паміж узброенымі сіламі ЗША, NATO і партнэрамі Альянсу.
Як паведамляе DW, сёньня ў межах вучэньняў Defender Europe у Эстоніі на аэрадроме Нурмсі адбудзецца высадка некалькіх сотняў амэрыканскіх дэсантнікаў зь цяжкой тэхнікай.
Заўтра на тым жа аэрадроме будзе адпрацаваная высадка 82-й паветрана-дэсантнай дывізіі ЗША. Адпрацоўка высадкі дэсантаў, акрамя Эстоніі, пройдзе таксама ў Баўгарыі і Румыніі.
