Колькі і прасілі пракуроры. У Берасьці вынесьлі выракі яшчэ васьмі падсудным у «карагоднай справе»

Як паведамляе Праваабарончы цэнтар «Вясна», васьмі абвінавачаным прызначылі такія пакараньні:

• Абрамуку Дзьмітрыю і Бруху Віталю — па 2 гады «хіміі»;
• Арцецкаму Аляксею — 1 год і 6 месяцаў калёніі агульнага рэжыму;
• Бараноўскаму Аляксею, Качурку Дзьмітрыю і Талатыньніку Ўладзімеру — па 1,5 года «хіміі»;
• Буневічу Дзьмітрыю — 1 год 8 месяцаў калёніі агульнага рэжыму;
• Місюту Генадзю — 1 год і 6 месяцаў «хатняй хіміі».

ГЛЯДЗІЦЕ ТАКСАМА:

У Берасьці 9 чалавек асудзілі за «масавыя беспарадкі». Непаўналетнім далі па 3 гады выхаваўчай калёніі

Дзяржаўнае абвінавачаньне на судовым працэсе прадстаўлялі пракуроры Юшчук і Ляшок. Менавіта такое пакараньне яны і прасілі.

На абвяшчэньне выраку ня трапіла частка публікі, у тым ліку журналісты недзяржаўных мэдыяў.

Раней у Берасьці асудзілі дзевяць чалавек за «масавыя беспарадкі», у іх ліку траіх непаўналетніх.