Пра гэта паведаміла прэсавая служба Офісу прэзыдэнта Ўкраіны.
На думку ўдзельнікаў нарады, «Украіна становіцца краінай, дзе ўсім ўтульна і бясьпечна, а сяброўства ў Эўрапейскім зьвязе перастала быць гіпатэтычным».
На нарадзе размова ішла аб выкананьні Пагадненьня аб асацыяцыі паміж Украінай і Эўрапейскім зьвязам, яго абнаўленьня, а таксама аб інтэграцыі ў рынкі ЭЗ і Адзіны лічбавы рынак Эўразьвязу.
«Сярод мэтаў — эўраінтэграцыя і дасягненьне асноўных крытэрыяў адносна набыцьця паўнапраўнага сяброўства ў NATO, сынхранізацыя з эўрапейскім Зялёным курсам», — піша прэсавая служба Офісу прэзыдэнта Ўкраіны.
Украіна падпісала Пагадненьне аб асацыяцыі з Эўрапейскім зьвязам ў 2014 годзе пасьля падзей Рэвалюцыі годнасьці. Дакумэнт уступіў у сілу 1 верасня 2017 году.
12 чэрвеня 2020 Паўночнаатлянтычны саюз абвясьціў, што Ўкраіна стала ўдзельніцай праграмы NATO «Партнэрства пашыраных магчымасьцяў».
