Пра гэта паведамляе сайт IIHF, адзначаючы, што «ва ўмовах пастаяннай нявызначанасьці ў сувязі з абмежаваньнямі міжнародных паездак Рада лічыць, што ўтрыманьне ўсіх камандаў у Рызе на працягу ўсяго турніру і пазьбяганьне паездак паміж дзьвюма краінамі-гаспадарамі зьяўляецца найбольш бясьпечным і эканамічна эфэктыўным спосабам правядзеньня мерапрыемства».
18 студзеня Міжнародная фэдэрацыя хакею афіцыйна абвясьціла аб пазбаўленьні Менску матчаў чэмпіянату сьвету. Раней асноўныя спонсары хакейных форумаў Nivea, Škoda, Liqui Moly і Tissot катэгарычна заявілі, што будуць падтрымліваць хакейны чэмпіянат сьвету толькі ў тым выпадку, калі Беларусь пазбавяць права прымаць турнір.
