«Вясна» паведамляе, што прызнаны праваабарончай супольнасьцю палітзьняволеным Віктар Шавура, якога трымалі ў віцебскім СІЗА і вінавацілі ва ўдзеле ў масавых беспарадках (ч. 2 арт. 293 Крымінальнага кодэксу), вызвалены.
Такім чынам, на 15 сьнежня ў Беларусі налічваецца 155 палітычных вязьняў.
Віктара Шавуру затрымалі ў Наваполацку ўвечары 10 жніўня. Праз тры дні ягонай маці пазваніў сьледчы зь Віцебску і паведаміў, што сыну выставілі абвінавачаньне за «ўдзел у масавых беспарадках».
Беларускія праваабаронцы прызналі маладога чалавека палітвязьнем.
