Пяць актывістаў грамадзянскай кампаніі «Эўрапейская Беларусь» сталі фігурантамі крымінальнай справы «аб масавых беспарадках» па арт. 293 Крымінальнага кодэксу, паведамляе тэлеграм-канал «Эўрапейскай Беларусі».
Днём 25 верасьня ў Менску брутальна затрымалі актывістаў «Эўрапейскай Беларусі» Ягора Літвінку, Андрэя Войніча, Анастасію Кірык і Паўла Юхневіча. На іх завялі іх крымінальную справу па ч 2. арт. 293 Крымінальнага кодэксу (удзел у масавых беспарадках).
Паведамляецца, што адначасова ў іншым месцы быў арыштаваны Яўген Афнагель. Як паведамілі ягонай жонцы ў Сьледчым камітэце, ён пакуль знаходзіцца ў ізалятары часовага ўтрыманьня на вуліцы Акрэсьціна і таксама падазраецца ва ўдзеле ў масавых беспарадках.
